ရန်ကုန် မှာ ရေချိုရှားပါးလာပါပြီ မြေအောက်ရေ ဆက်လက်မပျက်ဆီးအောင် ဘယ်လိုဆက်လုပ်ကြမလည်း…?

“မြေအောက်ရေဟာ ထုတ်ယူပါများလို့ ကျသွားရင် ရေငန်က ထိုးဝင်လာတယ်။ အဲဒီ တွင်းပျက်လို့ကတော့ ပြန်ပြင်လို့ကို မရတော့ဘူး။ ထာဝရပျက်သွားတာ ။ ထာဝရပျက်သွားတဲ့ အတွက် လူတွေဟာ သူတို့ မှီခိုရာ ရေချိုကို ထာဝရ အဲဒီနေရာကနေ မရတော့ဘူး။

နံပါတ် ၂ က မြေကြီးက အောက်နှိမ့်ဝင်သွားတာ ။ ဒါကြောင့်မို့လို လူတွေက ကိုယ့်ရဲ့ အိမ်တွေက ကံကြီးကောင်းပါမှ အိမ်တစ်လုံးလုံး မြေမြိုသွားမှာ။ ကံကြီး မကောင်းရင် တစ်ဖက် အနိမ့်အမြင့်ဖြစ်ပြီးတော့ တစ်ခြမ်းကွဲသွားတာတို့ ရှေ့ကို ငိုက်ကျတာတို့ ဘေးကို စောင်းပြိုတာတို့ အကုန်ဖြစ်နိုင်တယ်”

ရန်ကုန်မြို့တွင် လူတစ်ဦး နေ့စဉ် အသုံးပြု ရေဂါလန် ၃၀ ရှိပြီး ရန်ကုန်မြို့တော်စည်ပင်သာယာရေးကော်မတီ YCDC အနေနှင့် ရန်ကုန်လူဦးရေ၏ ၆၀ ရာခိုင်နှုန်းကိုသာ ရေချိုဖြန့်ဝေပေးနိုင်သေးသည်။ ထို့အတွက် ကျန် လူဦးရေ ၄၀ ရာခိုင်နှုန်းသည် ကိုယ်ထူကိုယ်ထ စက်ရေတွင်းများနှင့်

မြေအောက်ရေကို တူးယူသုံးစွဲနေကြရခြင်း (crd Dr Ni Ni Thein)မေလ ၁၂ ရက်နေ့ကတင်ခဲ့သောပို့စ်ပါ ပထမပုံသည် အိန္ဒိယနိုင်ငံ မွန်ဘိုင်းမြို့နေ ဆူဘဂျစ်မူကာဂျီ ရေးဆွဲသည့်ပုံ ဖြစ်သည်။ ဆူဘဂျစ်မူကာဂျီသည် မွန်ဘိုင်းကျောင်းကျောင်းသူကျောင်းသားများအား ပုံပါ “ရေစိမ့်ပုံး”များကို လက်တွေ့တပ်ဆင်စေခြင်းဖြင့် မြေအောက်ရေထိန်းသိမ်းတတ်အောင် ကြိုးပမ်းလျက်ရှိသည်။

ပလတ်စတစ်ပုံးတစ်လုံး၏ပတ်လည်နှင့်အောက်ခြေတွင် အပေါက်များဖောက်သည်။ ပုံး၏အချင်းထက် တစ်ပေ ပတ်လည်ခန့်ပိုကျယ်သောကျင်းတူးကာ ပုံးကိုမြေကြီးထဲထည့်သည်။ ကျင်းအောက်ခြေ၊ ပုံးနှင့်ကျင်းနံရံကြားတို့ထဲသို့ ကျောက်တုံး၊ ကျောက်စရစ်၊ အုတ်ကျိုးတို့ ထည့်သည်။ ကျောက်နှင့်အုတ်တို့သည် မြေသားများ

ပုံးထဲသို့ မ၀င်အောင် ဆန်ကာသဘောတားဆီးထားသည်။ ထို့နောက် ကျောင်းဆောင်အမိုးမှကျလာသော မိုးရေများကို ပိုက်ဖြင့်သွယ်၍ ပုံးထဲထည့်သည်။ အလွန်ရိုးရှင်းလွယ်ကူကာ ကုန်ကျစရိတ်လည်းနည်းသည်။ ရွှံ့မြေများမှလွဲ၍ ကျန်နေရာများတွင် ရေအနည်းနှင့်အများ စိမ့်၀င်နိုင်သည်။

မိုးရေသည် ပုံးရှိအပေါက်များ၊ ဘေးပတ်လည်ရှိ ကျောက်များကိုဖြတ်ကာ မြေကြီးထဲစိမ့်၀င်သွားပြီး မြေအောက်ရေကို ပြန်ဖြည့်ပေးသည်။ ကျောင်းသားတို့သည် သူတို့လုပ်ထားသောရေစိမ့်ပုံးမှတဆင့် မိုးရေများ မြေအောက်စိမ့်၀င်သွား သည်ကို ကြည့်၍ မြေအောက်ရေဖြည့်ခြင်းသဘောကို ကောင်းစွာနားလည်သွားသည်။

မိုးကုန်သောအခါ သူတို့ ပြန်ဖြည့်ပေးသောရေကြောင့် ကျောင်းအဝီစိတွင်းတွင် ခါတိုင်းထက်ရေပိုမြင့်နေသည်ကိုတွေ့ရသဖြင့် အလွန် ပျော်ရွှင်ကြသည်။

အဆိုပါနည်းအတိုင်း မြန်မာနိုင်ငံကျောင်းများတွင်လုပ်ဆောင်နိုင်လျှင် မြန်မာကလေးငယ်တို့လည်း မြေအောက်ရေ သဘောတရားကို လက်တွေ့နားလည်၊ ကျောင်း၀န်းကျင်မြေအောက်ရေကိုလည်း ဖြည့်ပြီး ဖြစ်သွားလိမ့်မည်။

(မကြာမီထုတ်ဝေမည့် မိုးရေလှောင်ကန်စာအုပ်တွင် ပါရှိသည့် အကြောင်းအရာကို ကြိုတင်ဝေငှခြင်းဖြစ်ပါသည်။)

Leave a Reply

Your email address will not be published. Required fields are marked *