ဇွဲကပင်တောင် ဆံတော်ရှင် ဘုရားသမိုင်း

Unicodeဖြင့်ဖတ်ရန်

ဇွဲကပင်တောင် ဆံတော်ရှင် စေတီတော်သမိုင်းသည် ကျိုက်ထီးရိုးစေတီ၊ ဇင်ကျိုက် တောင် စေတီနှင့် မုလအိစေတီတို့၏ သမိုင်းကြောင်းနှင့် ခေတ်ပြိုင်ဖြစ်သည်၊ ဇွဲကပင်တောင်ခြေရှိ ပအာဝနမြိုကတော်ကို တည်ထောင် စိုးစံခဲ့သော “လုဒ္ဓယောဓ ရာဇာ” ကရင်မင်းသည် သုဓမ္မဝတီ သထုံပြည်ကို အုပ်ချုပ် မင်းလုပ် တော်မူသော တိဿဓမ္မသီဟရာဇာမင်း၊ ပိုင်တရောဒုံကိုအုပ်ချုပ်သောစောပညာ၊အိန္ဒရာဇာ မင်းတို့နှင့် ထီးပြိုင် နန်းပြိုင်ပြုကာ “ပေအာဝနနေပြည်တော်” ကို စိုးစံ အုပ်ချုပ်ခဲ့သည်။

ထိုမင်းလက်ထက် သုဓမ္မဝတီမြိုကသို့ မြတ်စွာဘုရားသခင် ရဟန္တာ (၅၀၀)နှင့် တကွ ကြွတော် မူလာစဉ် မြတ်စွာဘုရား ထံတော်မှ ရရှိခဲ့သော ဆံတော် (၆)ဆူ အနက် ဆံတော်မြတ်တစ်ဆူကို သီဟကုမာရ ရသေ့သည် မိမိသီတင်းသုံးတော် မူနေသော ဗန္ဓဝဂီရိတောင်ထိပ် အစွန်းတွင် စေတီ တည်၍ ဋ္ဌာပနာသွင်းတော်မူပြီး စေတီတော်အား “ဗန္ဓဝဂီရိ ဇွဲကပင်စေတီ” ဟု ဘွဲ့တော် သမုတ်ခဲ့ လေသည်၊ အချိန် ကား မဟာသက္ကရာဇ် (၁၁၃) ခုနှစ် ဖြစ်သည်။ဘုရားရှင်၏ ဆံတော် (၆)ဆူအား ကျိုက်ထီးရိုးစေတီတော်တွင် (၃)ဆူ၊ ဇင်ကျိုက်တောင်စေတီတွင် (၁)ဆူ၊ ကေလာသ တောင်စေတီတွင် (၁)ဆူနှင့် ဇွဲကပင်တောင်စေတီတွင် (၁)ဆူ ဋ္ဌာပနာပြု ပူဇော်ခဲ့သည် ဟု သိရသည်။

ဇွဲကပင်တောင်အား ရှေးအခါက အမည်အမျိုးမျိုးဖြင့် ခေါ်တွင်ခဲ့ကြပြီး လုဒ္ဓယောဓ မင်း တောကစားထွက်စဉ် လှံတော်ပျောက်ခဲ့သောကြောင့် ကရင်ဘာသာဖြင့် “ဇွဲကပင်” ဟုလည်းကောင်း၊ ရှေးအခါက နိုင်ငံရပ်ခြားမှလာသော လှေ၊ သင်္ဘောတို့ ထိုတောင်၏ အတွဋ်၌ ကပ်ချည်တွဲထားတတ် သောကြောင့် တလိုင်းကရင်မျိုးများက “ဒိုကရွယ်က ဗန်း” ဟုလည်းကောင်း၊ ဤတောင်တွင် ညောင်ချဉ် ပင်များ ပေါများသောကြောင့် မွန် လူမျိုးတို့က ညောင်ချဉ်ပင်တောင် “ဇဝယ်ကဗန်” ဟုလည်းကောင်း၊ ခေါ်တွင်ခဲ့ကြ သည်။

ဇွဲကပင်တောင်သည် ဘားအံမြို့၏ တောင်ဘက် (၇)မိုင်အကွာ ပင်လယ်ရေ မျက်နှာပြင်အထက် (၂၇၃၄)ပေ မြင့်ပြီး၊ တောင်နှင့်မြောက် မိုင်(၂၀)ခန့်မျှ သွယ်တန်း ရှည်လျှားသည်။ဆရာတော် ဦကဝိဇေ (ဓမ္မကထိက ၊ ဗဟုဇနဟိတဓရ) အရှင်သူမြတ် သည် သံဃာအဖွဲ့များနှင့် လူဥပသကာ အဖွဲ့များမှ ဇွဲကပင် တောင်တော်ကို အမျိုး ဘာသာ သာသနာ ဖွံ့ဖြိုးစည်ပင်အောင် ဆောင်ရွက်ပေးပါရန် လျှောက် ထား ကြသဖြင့် ၁၃၅၁- ခုနှစ်၊ တပို့တွဲလဆန်း (၃)ရက်နေ့တွင် ဇွဲကပင်တောင်ကြီးကို လက်ခံခဲ့ပြီး သာသနာပြုလုပ်ငန်းများကို နေ့မအား၊ ညမအား ဇွဲလုံ့လကြီးစွာ ကျင့်ကြံဆောင်ရွက် တော်မူခဲ့သည်။

ဇွဲကပင်တောင်တော်အား သတ်သတ်လွတ် ဘေးမဲ့သာသနာ့နယ်မြေအဖြစ် ၁၃၅၁-ခုနှစ် တပို့တွဲ လပြည့်နေ့တွင် ကြေငြာသတ်မှတ်ခဲ့သည်၊ ဆရာတော်သည် လွန်ခဲ့ သော နှစ် (၅၀)ခန့်မှယနေ့ထိ တိုင် သတ်သတ်လွတ်ဆွမ်းကိုသာ ဘုန်းပေးတော်မူပြီး အဓိဋ္ဌာန် ဝင်ခြင်း၊ နေ့ ညဓမ္မစင်္ကြာပဋ္ဌာန်းတရား တော်များ ရွတ်ဖတ်ပူဇော်ခြင်း၊ ဆေးရုံ/ဆေးခန်း ဆေးရုံ/ဆေးခန်းသုံး ပစ္စည်းများ၊ စာသင်ကျောင်းများ၊ လမ်းတံတားများ တည်ဆောက် ပေးခြင်းများ အပြင် ကျေးရွာအနှံ့ ဘုရားရှင်၏ တရာတော်များကို ဟောကြားဆုံးမပေး နေသော အများကြည်ညို အားထားရသည့် ဆရာတော်ကြီးတစ်ပါး ဖြစ်သည်။

ဆရာတော်ကြီးသည် ဇွဲကပင်တောင်ခြေတွင် လုမ္မနီဥယျာဉ်တော်၊ အဗ ္ဘန္ဓရသရက် ဥယျဉ်တော် စသည်ဖြင့်များပြားလှသော သာသနာပြုလုပ်ငန်းများအောင်မြင်ပြီးမြောက် ခဲ့ပြီးဖြစ်သည်။ ဇွဲကပင် တောင် ဆံတော်ရှင်စေတီသည် မြင့်မားအတ်စောက်သော ခရီး လမ်းခက်ခဲသောကြောင့် မတက်နိုင် သဖြင့် (၇)ရက်သားသမီးများ စေတီတော်အား ပင်ပန်းဆင်းရဲမှုကင်းစွာ တက်ရောက် ဖူးမြော်နိုင်ရန် အတွက် Cable Car တပ်ဆင်ရန် လွန်ခဲ့သော နှစ်ပေါင်း (၂၀)ခန့်ကတည်းက သစ္စာဆို အဓိဋ္ဌာန် ပြုခဲ့သည်၊ အခြေအနေ အမျိုးမျိုးကြောင့် တပ်ဆင်နိုင်ရန် မရှိခဲ့ပါ။

သို့သော်..ယ္ခုအခါ ကမ္ဘာသာသနာပြု မဟာ သနိ ္တသုခ ကျောင်းတော်ကြီး မူလပဓာန နာယက ပီနန်ဆရာတော်၊ ဇွဲကပင်တောင် ဆရာတော်၊ သာသနာ့ ဇေယျမင်္ဂလာ ပရိယတ္တိစာသင်တိုက် (သုံးထပ်ကျောင်း) ဆရာတော် စသည့် ဆရာတော်ကြီး (၃)ပါး ကြီးမှုးဦးဆောင်မှုဖြင့် ဇွဲကပင် ဆံတော်ရှင် Cable Car စီမံကိန်းကြီးကို စတင် အကောင်အ ထည် ဖော်ဆောင်ရွက်လျက်ရှိရာ အပျော်စီးကေဘယ်အား

စတင်ပြေးဆွဲနေပြီဖြစ်သည်။

မူရင်း #Credit

Zawgyiျဖင့္ဖတ္ရန္

ဇြဲကပင္ေတာင္ ဆံေတာ္ရွင္ ဘုရားသမိုင္း

ဇြဲကပင္ေတာင္ ဆံေတာ္ရွင္ ေစတီေတာ္သမိုင္းသည္ က်ိဳက္ထီးရိုးေစတီ၊ ဇင္က်ိဳက္ ေတာင္ ေစတီႏွင့္ မုလအိေစတီတို့၏ သမိုင္းေၾကာင္းႏွင့္ ေခတ္ၿပိဳင္ျဖစ္သည္၊ ဇြဲကပင္ေတာင္ေျခရွိ ပအာဝနၿမိဳကေတာ္ကို တည္ေထာင္ စိုးစံခဲ့ေသာ “လုဒၶေယာဓ ရာဇာ” ကရင္မင္းသည္ သုဓမၼဝတီ သထုံျပည္ကို အုပ္ခ်ဳပ္ မင္းလုပ္ ေတာ္မူေသာ တိႆဓမၼသီဟရာဇာမင္း၊ ပိုင္တေရာဒုံကိုအုပ္ခ်ဳပ္ေသာေစာပညာ၊အိႏၵရာဇာ မင္းတို့ႏွင့္ ထီးၿပိဳင္ နန္းၿပိဳင္ျပဳကာ “ေပအာဝနေနျပည္ေတာ္” ကို စိုးစံ အုပ္ခ်ဳပ္ခဲ့သည္။

ထိုမင္းလက္ထက္ သုဓမၼဝတီၿမိဳကသို့ ျမတ္စြာဘုရားသခင္ ရဟႏၲာ (၅၀၀)ႏွင့္ တကြ ႂကြေတာ္ မူလာစဥ္ ျမတ္စြာဘုရား ထံေတာ္မွ ရရွိခဲ့ေသာ ဆံေတာ္ (၆)ဆူ အနက္ ဆံေတာ္ျမတ္တစ္ဆူကို သီဟကုမာရ ရေသ့သည္ မိမိသီတင္းသုံးေတာ္ မူေနေသာ ဗႏၶ

Leave a Reply

Your email address will not be published. Required fields are marked *