မိန်းကလေးတွေရဲ့ စွဲဆောင်မှုရှိတဲ့ တင်တွေ၊ ရင်တွေမဟုတ်သော အခြားအစိတ်အပိုင်းများ

မိန်းကလေးတွေရဲ့ စွဲဆောင်မှုရှိတဲ့ တင်တွေ၊ ရင်တွေမဟုတ်သော အခြားအစိတ်အပိုင်းများ

မိန်းကလေးတွေရဲ့ စွဲဆောင်မှုရှိတဲ့ တင်တွေ၊ ရင်တွေမဟုတ်သော အခြားအစိတ်အပိုင်းများ

မိန်းကလေးတစ်ယောက် စွဲဆောင်မှု ရှိ မရှိဆိုတာကို တစ်ချို့က အဲဒီမိန်းကလေးရဲ့ တင်သားတွေ၊ ရင်သားတွေ ဖွံ့ဖြိုးမှု ရှိ၊ မရှိဆိုတဲ့ အချက်နဲ့ လိုက်ပြီး တိုင်းတာကြတယ်။ မှန်သင့်သလောက်တော့ မှန်ပါတယ်။ ဒါပေမယ့် အဲဒီအစိတ်အပိုင်းတွေက မိန်းကလေးတစ်ယောက်ရဲ့ တကယ်တမ်း စွဲဆောင်မှုရှိတဲ့ အစိတ်အပိုင်းတွေတော့ မဟုတ်သေးပါဘူး။

တစ်ချို့အလုံးအပေါက် ကြီးကြီးနဲ့ မိန်းကလေးတွေ ရုတ်တရက်ကြည့်ရင် လှသလို ထင်ရပေမယ့် သေချာကြည့်လိုက်ရင် မလှတော့ဘူး။ တစ်ချို့ကျတော့ ရုတ်တရက်ဆို မလှဘူးထင်ရပေမယ့် တစ်စိမ့်စိမ့် ကြည့်လေလေ၊ ပိုပြီးလှလာလေလေပဲ .. အကြည့်ခံတယ်ပေါ့ ။

တစ်ကိုယ်လုံး ခြုံကြည့်ရင် မိန်းကလေးတစ်ယောက်ကို ပိုလှအောင် ပံ့ပိုးပေးထားတဲ့ အစိတ်အပိုင်းလေးတွေ အများကြီးရှိပါတယ်။ သိသလောက်ပြောရမယ် ဆိုရင် …

(၁) လက်မောင်း

မိန်းကလေးတစ်ယောက်ရဲ့ အလှတွေထဲမှာ လက်မောင်းလေးတွေလည်း အပါအဝင်ပါ။ သွယ်သွယ် ( ဒါမှမဟုတ် ) ခပ်ပြည့်ပြည့် လက်မောင်းလေးတွေ ပိုင်ဆိုင်ထားတဲ့ မိန်းကလေးတွေဟာ လက်ပြတ်အင်္ကျီလေးတွေ ဝတ်လိုက်တဲ့အခါ ပိုပြီးစွဲဆောင်မှု ရှိသွားတတ်ကြတယ် ။

(၂) သွားတက်လေးတွေ

အထူးတလည် ပြောနေစရာမလိုတဲ့ အချက်ပါ။ သွားတက်လေးတွေ ပေါ်အောင် ရယ်တတ်တဲ့ ကောင်မလေးတစ်ယောက်ဟာ မလှရင်တောင် ချစ်ဖို့ကောင်းတဲ့ မိန်းကလေး အမျိုးအစားထဲ ပါတတ်ကြတယ် ။

(၃) ပါးချိုင့်

နောက်တစ်ချက်ကတော့ ပါးချိုင့်လေးတွေပါပဲ။ ဆံပင်ရှည်ရှည်၊ မြန်မာဆန်ဆန် ရင်ဖုံးလေးဝတ်ပြီး ပြုံးလိုက်တိုင်း ပါးချိုင့်လေးတွေပေါ်လာတတ်တဲ့ ကောင်မလေးတစ်ယောက် ဟာ ယောကျာ်းလေးတွေရဲ့ စိတ်ကူးထဲက မင်းသမီးလေး တစ်ပါးပါပဲ။

(၄) မျက်လုံးဝိုင်းဝိုင်းလေးတွေ

ရှေးစာဆိုတွေ သတ်မှတ်ထားကြတဲ့ အလှအပစံတွေထဲ ဝိုင်းစက်စက် မျက်လုံးလေးတွေလည်း အပါအဝင်ပါ။ မျက်လုံးဟာ စိတ်ရဲ့ ထွက်ပေါက်ဆိုသလို၊ စိတ်ထဲက ခံစားချက် မှန်သမျှဟာ မျက်လုံးမှာ ပေါ်နေတတ်တယ်။ ဝိုင်းစက်ပြီး ရွှန်းလဲ့နေတဲ့ မျက်ဝန်းတစ်စုံ အောက်မှာ တစ်ခါတစ်လေ ကျွန်တော်တို့ ကျရှုံးဖူးတယ် မဟုတ်လား …?

( ၅ ) အနက်ရောင် ဆံပင်ရှည်ရှည်လေးတွေ

ဆံပင်ဒီဇိုင်းတွေ ဘယ်လိုပြောင်းလာလာ၊ ဆံပင်တွေကို ဘယ်လို ကာလာတွေပဲဆိုးဆိုး၊ နက်မှောင်ပြီး ပျော့အိနေတဲ့ ဆံပင်ရှည်လေးတွေကိုပိုပြီး နှစ်သက်တတ်တယ်ဆိုတာ ဝန်ခံလိုက်ပါ။

မြန်မာလူမျိုး ဖြစ်နေတာကြောင့်လည်း အဲဒီလို နက်မှောင်ရှည်လျားတဲ့ ဆံနွယ်တွေကို ကျွန်တော်တို့ မြတ်နိုးတတ်ကြပါသေးတယ်။ နောက်ပြီး မိန်းကလေးတွေထဲမှာ နက်မှောင်တဲ့ ဆံနွယ်ရှည်ကြီးတွေနဲ့ မိန်းကလေးတစ်ယောက်က ပိုပြီး ထင်ပေါ်နေတယ်ဆိုတာ ငြင်းမရဘူးလေ။

( ၆ ) ခါးသိမ်သိမ်လေး

မြန်မာဝတ်စုံလေး ဝတ်လိုက်တိုင်း ခါးသိမ်သိမ်လေးဖြစ်နေတဲ့ ကောင်မလေးတွေကို (လှ၏ မလှ၏ထား) ကျွန်တော်တို့ စက္ကန့်တော်တော်လေးကြာအောင် ငေးမောကြည့်တတ်ကြတယ်။ မိန်းကလေးတစ်ယောက်ရဲ့ စွဲဆောင်မှုရှိလွန်းတဲ့ အလှအပစံတွေထဲမှာ သေးသွယ်သွယ်ခါးလေးတစ်စုံလည်း အပါအဝင်ပါပဲနော်။

(၇) ခြေချောင်းလက်ချောင်းလေးတွေ

မိန်းကလေးတော်တော်များများရဲ့ လက်ချောင်း၊ ခြေချောင်းလေးတွေက သွယ်လျလျနဲ့ လှလှလေးတွေ များကြပါတယ်။ သွယ်လျပြီး သန့်ရှင်းနေတဲ့ခြေချောင်း၊ လက်ချောင်းလေးတွေဟာလည်း သူတို့ရဲ့အလှကို နောက် level တစ်ဆင့်ရောက်သွားစေတဲ့ အချက်တစ်ခုပါပဲ။

(၈) နှုတ်ခမ်းဖူးဖူးလေးတွေ

နှုတ်ခမ်းနဲ့ပတ်သက်ပြီး အလှအပဆိုင်ရာ သတ်မှတ်ချက်တွေကတော့ အများကြီးမို့လို့ အနည်းနဲ့အများတော့ ဝိဝါဒ ကွဲနိုင်တယ်။ တစ်ချို့တွေက နှုတ်ခမ်းပါးပါးနဲ့ မိန်းကလေးတွေကို အလှဆုံးလို့ ထင်ကြတယ်။

ကျွန်တော်ကတော့ နှုတ်ခမ်းဖူးဖူး ( ထော်ထော် ) နဲ့ မိန်းကလေးတွေက ပိုပြီးချစ်ဖို့ကောင်းတယ်လို့ သတ်မှတ်ပါမယ်။ နှုတ်ခမ်းလေးစူပြီး ဘာကို အလိုမကျ ဖြစ်နေမှန်း မသိတဲ့ ပုံလေးက အရမ်းချစ်ဖို့ ကောင်းတယ်လေ။

အလှအပနဲ့ ပတ်သက်လို့ မြင်သလောက်ကတော့ အဲ့ဒီလောက်ပါပဲ။ ထပ်မံပြီး ဖြည့်စွက်ချင်လည်း ရပါသေးတယ်။ တစ်ခုရှိတာက အပေါ်က အချက်တွေ အကုန်လုံး ( ဒါမှမဟုတ် ) တစ်ချို့တစ်ဝက်နဲ့ ပြည့်စုံတဲ့ မိန်းကလေးတစ်ယောက်ဟာ အထက်တန်းကျောင်း၊ တက္ကသိုလ်ကျောင်းသားဘဝက ယောကျ်ားလေးတို့ရင်ထဲမှာ အတော်ကြာကြာ နေရာယူခဲ့ဖူးတယ် ဆိုတာတော့ ကျွန်တော်ကျိန်းသေပေါက် ပြောလို့ရပါရဲ့ ။

Gabriel
Credit: WE.Com

Be the first to comment

Leave a Reply

Your email address will not be published.


*