ရေအောက်ထဲရောက်နေတဲ့ မြန်မာ့သမိုင်းထဲက မြို့ တော် ( သို့ ) စံကားဒေသ..

Zawgyiဖြင့်ဖတ်ရန်

စံကား (စကားရွာ) ဒီနာမည်ကို ကြားဖူးနားဝ ရှိကြပေမယ့်၊ ဒီနေရာရဲ့ ပကတိအလှတွေကို မျက်ဝါးထင်ထင် တွေ့ဖူးကြသူတွေ နည်းပါလိမ့်ဦးမယ်။ မြို့တစ်ဝက်လောက်က ရေအောက်မြုပ်နေသည့်တိုင် .. စံကားအင်းထဲ နေဝင်ဆည်းဆာအချိန် လှေစီးရတဲ့အရသာ၊ တာခေါင်မွေတော်စေတီတွေရဲ့ စီစီရီရီနဲ့ သပ္ပါယ်တဲ့အလှနဲ့၊ သမိုင်းကြောင်း ပုံပြင်တွေနဲ့ တာရိုးဟောင်း နေရာတွေက စံကားဒေသကို စိတ်ဝင်စားစရာကောင်းလောက်အောင်ကို ဆွဲဆောင်ထားနိုင်တဲ့ အရာတွေပါ။

စံကားရွာက ဘယ်မှာရှိ

အင်းလေးကန် (ညောင်ရွှေ) ရဲ့ တောင်ဖက်ခြမ်း မှာရှိပြီး စက်လှေနဲ့ ၃နာရီဝန်းကျင်လောက် သွားရင်ရောက်ပါတယ်။ ရှမ်း၊ ပအိုဝ့်၊ အင်းသားလူမျိုးတွေရှိပြီး လူဦးရေ ၁၅၀၀ လောက်ပဲရှိသေးတဲ့ တိတ်တဆိတ်လှပနေတဲ့ ကျေးရွာတစ်ရွာပါ။ ဟိုးအရင်တုန်းကတော့ ရှမ်းပြည်တောင်ပိုင်းမှာ အချမ်းသာဆုံး ဖြစ်ခဲ့ဖူးပါတယ်။

မြန်မာတစ်နိုင်ငံလုံးရဲ့ ပင်မလျှပ်စစ်ဓါတ်အားပေး စက်ရုံဖြစ်တဲ့ လောပိတရေအားလျှပ်စစ် စက်ရုံဆောက်တုန်းက ဆည်ကြီးတွေတည်ဆောက်ရင်းနဲ့ မြို့တစ်ဝက်လောက်က ရေဖုံးလွမ်းသွားပြီး ရေအောက်ထဲ အရောက်ခံခဲ့ရတဲ့အထိ စတေးခံ ပေးဆပ်ခဲ့ရတဲ့ ဒီစကားဒေသက အခုချိန်အထိ လျှပ်စစ်မီး မရရှိသေးတာကတော့ တကယ့်ကို စိတ်မကောင်းစရာပါ။

စံကားရောက်ရင် ဘယ်တွေသွားကြမလဲ၊ ဘာတွေလုပ်ကြမလ

စံကားအင်းနဲ့ စကားဒေသက ကျယ်လဲကျယ်သလို လည်စရာတွေကလဲ များတယ်ဆိုပေမယ့် ၂ရက်လောက် အချိန်ပေးနိုင်ရင် ကောင်းကောင်းလောက်ပါတယ်။ ဘယ်တွေသွားမလဲ ဘာတွေလုပ်မလဲ အောက်မှာ ဆက်ဖတ်ပေးပါနော်…

ခေါင်မွေတော်ဘုရား

စီစီရီရီနဲ့ မတူညီတဲ့ ပုံသဏ္ဍာန်နဲ့ မွေတော်စေတီတွေရဲ့ ပုံစံတွေက အရမ်းကို ကျက်သရေရှိစွာ သပ္ပါယ်လွန်းပါတယ်၊ ဟိုးအရင်တုန်းကတော့ ချုံနွယ်တွေနဲ့ ဖုံးလွှမ်းနေလို့ လွယ်လွယ်ကူကူ သွားလာလို့ မရဘူးလို့ဆိုပါတယ်၊ အခုကတော့ လွယ်လွယ်လေး သွားလာလို့ရတာ ကံကောင်းမှုတစ်ခုပါ၊ တာခေါင်မွေတော်ဘုရားရဲ့ အနောက်ဖက် တောင်တန်းကြီးရှေ့က ကြီးမားလွန်းတဲ့ ပြောင်းဖူးခင်းကြီးကလဲ တခြားနေရာတစ်နေရာ ရောက်သွားသလို ဆွဲဆောင်မှု ရှိလွန်းပါတယ်။

နတ်တာရိုး

နှစ်ပေါင်း ၈၀၀ လောက်ရှိပြီး သမိုင်းကြောင်းတွေ ပုံပြင်တွေအပြည့်ရှိနေတဲ့ နေရာဆိုလဲ မမှားပါဘူး၊ ဒဏ္ဍာရီအရဆိုရင်တော့ ဟိုးနှစ်ပေါင်းများစွာတုန်းက ရေထွက်နှစ်ခုရှိခဲ့ပြီး တစ်ခုကို နတ်ညီနောင်နှစ်ပါးက စောင့်ရှောက်ပြီး နောက်တစ်ခုကိုတော့ နတ်သမီးတစ်ပါးက စောင့်ရှောက်ပါတယ်၊ အဲ့ဒီနတ်ညီနောင်နှစ်ပါးထဲက တစ်ပါးက နတ်သမီးကို စုံမက်လက်ထပ် ချင်ခဲ့ပါတယ်၊

ဒါကိုနတ်သမီးက ဒီရေထွက်စမ်းပေါက်ရဲ့ အရှေ့နဲ့ အနောက်ကို မိုးမလင်းချင် တံတားတစ်စင်း အပြင်းဆောက်နိုင်ရင် လက်ခံမယ်လို့ဆိုပြီး တောင်းဆိုမှုတစ်ခု လုပ်ခဲ့ပါတယ်၊ ဒါပေမယ့် နတ်သမီးက လက်ခံလိုစိတ် မရှိတာကြောင့် မနက်တွန်နေကြအချိန်ထက် ပိုစောပြီးတွန်စေဖို့ ကြက်ကို အမိန့် ပေးခဲ့ပါတယ်။

နတ်သားက အစောကြက်တွန်သံ ကြားရတဲ့အခါမှာတော့ မိုးလင်းပြီ အထင်နဲ့ ရပ်လိုက်တဲ့အတွက်ကြောင့် ဘယ်တော့မှ လက်ထပ်ခွင့် မရခဲ့ပါဘူး” ။ ဒီ ဒဏ္ဍာရီအရဆိုရင်တော့ နတ်သားရဲ့ ကြိုးပမ်းမှု ဖြစ်တဲ့ တာရိုးအရှည်ကြီးကို မြင်ရမှာပါ။

စံကားအင်းထဲက နေဝင်ဆည်းဆာ

စံကားဒေသရဲ့ အလှပဆုံး အချိန်ကိုပြပါဆိုရင်တော့ နေဝင်ဆည်းဆာ အချိန်ကိုပဲ ပြရပါလိမ့်မယ်၊ ပြာလဲ့နေတဲ့ ကောင်းကင်ရယ် ပုစွန်ဆီရောင်သမ်းနေတဲ့ နေလုံးကြီးရဲ့ အရောင်တွေက ရေပြင်မှာပါ ထင်ဟပ်နေတော့ တကယ့်ကို ဖော်ပြလို့မရတဲ့ အလှတွေနဲ့ တွေ့ကြုံရမှာပါ၊ တကယ်ပါ ဒီဓါတ်ပုံတွေထက် အပြင်မှာ သိပ်ကိုပိုလှပါတယ်။ ရေမြုပ်နေတဲ့ ဘုရားတွေ၊ ဘုန်းကြီးကျောင်းတွေ အဆောက်အဦးတွေ မြင်ရတာလဲ စိတ်ဝင်စားဖို့သိပ်ကောင်းပါတယ်။

နောင်ဘိုရွာက အိုးလုပ်ငန်း

လက်မှုပညာအရာဖြစ်တဲ့ နောင်ဘိုရွာက မြေအိုးလုပ်ငန်းတွေကိုလဲ သွားလေ့လာလို့ရသလို၊ ကိုယ်တိုင် စမ်းလုပ်ကြည့်လို့လဲရပါတယ်၊ ကြည့်ရတာလွယ်ပေမယ့်၊ ကိုယ်တိုင်လုပ်တဲ့အခါ အချိန်အဆ မတက်တော့ ထင်သလောက်မလွယ်ပါ၊ အရမ်းလဲပျော်ဖို့ ကောင်းပါတယ်။ စမ်းကြည့်ကြပါ။

ထီးခါးက ဆန်အရက်ချက်လုပ်ငန်း

အရက်ဘယ်လိုချက်ကြလဲ ဆိုတာ ထီးခါးရွာကိုသွားပြီး လေ့လာလို့ရပါတယ်၊ ပြောင်း၊ ဆန်တွေကို အချဉ်ဖေါက်၊ ပေါင်းခံပြီး ကျလာတဲ့ အရည်ကို တစ်စက်ချင်းစီခံပြီး အရက်ချက်ကြတာမြင်ရတာလဲ သိပ်ကိုစိတ်ဝင်စားစရာပါ၊ အနံ့နဲ့တင် မူးလောက်ပါတယ်။

နတ်တာရိုးတလျှောက် ဖောင်စီးကြမယ်

စိတ်ဝင်စားရင် နတ်တာရိုးကို လမ်းလျှာက်ကြည့်ယုံမက ဖောင်စီးပြီးပါ ရေထဲကနေ သွားလို့ရပါတယ်၊ ဖောင်အသေး၊ အကြီးနှစ်မျိုး ရှိပြီး လောလောဆယ်တော့ ဒီ service က စမ်းသပ်ကာလပဲ ရှိပါသေးတယ်၊ CBT စံနှုန်းတွေနဲ့ ဖော်ဆောင်တာဖြစ်လို့ ဈေးတော့ သိပ်အများကြီး မပေးရလောက်ပါဘူး၊ တစ်ယောက်မှ ၅၀၀၀ ပတ်ဝန်းကျင်လောက်ရှိပါမယ်။

ဘယ်မှာတည်းမလဲ

စံကားရွာမှာ Home Stay နေလိုရသလို၊ Hotel ပုံစံလေး နေချင်ရင်လဲ a little lodge in Samka ဆိုတဲ့ ဟိုတယ်လေးရှိပါတယ်၊ အင်းသားအိမ်ပုံစံ ဆောက်လုပ်ထားတာကြောင့် နေချင်စရာလေးပါ၊ ဈေးနှုန်းကတော့ ရာသီအလိုက် အပြောင်းအလဲရှိပါတယ်၊ walk-in rate ကတော့ တစ်ခန်းကို USD 80 လောက်ရှိပါတယ်။

စံကားကို ဘယ်လိုသွားမလဲ

ညောင်ရွှေကနေ လှေနဲ့သွားလို့ရသလို ကားနဲ့လဲသွားလို့ရပါတယ်၊ လမ်းတစ်လျှောက် အင်းထဲက မြင်ကွင်းတွေက အရမ်းကို သိပ်လွန်းတော့ လှေနဲ့သွားရတာကို သိပ်သဘောကျပါတယ်။ ကိုယ်တွေသွားတဲ့ အစီအစဉ်လေးအတိုင်းသွားချင်ရင်တော့ ညောင်ရွှေက GYPSY INN ကို စုံစမ်းပြီးသွားလို့ရပါတယ်၊

ညောင်ရွှေ – စကား နေ့ချင်းပြန်ခရီးစဉ်ကို ၄၅၀၀၀၊ တစ်ညအိပ် ၂ ရက်ခရီးစဉ်ကိုတော့ တည်းခိုစရိတ်မပါ ၉၀၀၀၀ ကျပ် နဲ့ ခရီးစဉ်တွေရှပါတယ်။ အသေးစိတ်သိချင်ရင်တော့ GYPSY INN ဖုန်းနံပါတ် 081-209084, 209144, 09428365689 ကို ဆက်သွယ်စုံစမ်းမေးမြန်းနိုင်ပါတယ်။

Credit – He & She ( Instagram)

Be the first to comment

Leave a Reply

Your email address will not be published.


*